Parıj kóshelerinde jekemenshik kólikpen júrýge ýaqytsha tyıym salynbaq
ASTANA. QazAqparat - Erteńnen bastap Parıj turǵyndaryna jeke menshik avtokólikterin paıdalanýǵa ýaqytsha shekteý qoıylmaq, dep habarlaıdy Bı-Bı-Sı.
Endi mashınalar men mototsıklderdiń ıeleri qala ishine kólikterimen kúnara ǵana shyǵa alatyn bolady. Bulaısha shekteý qoıýdyń basty sebebi aýa aǵymyndaǵy ózgeristerde bolyp otyr. ıAǵnı, jyly kúnder men salqyn túnderdiń kúrt almasýy atmosferanyń aınalymyna kedergi keltirip, sonyń saldarynan frantsýz astanasy aýasyndaǵy zııandy zattar qospasynyń mólsheri shekti normadan eki eseden artyq asyp ketken. Aıta keteıik, dál osyndaı jaǵdaı 1997 jyly da oryn alǵan bolatyn. Jekemenshik kólikpen qozǵalystyń shektelýine baılanysty qala bıligi turǵyndarǵa qoǵamdyq kólikpen úsh kún boıy tegin júrý múmkindigin usynyp otyr. Esterińizge sala keteıik, álem astanalarynyń ishinen aýasynyń lastaný deńgeıi boıynsha Parıj Beıjińnen keıin ekinshi oryndy alady.
