Parıj kórermeni Áýezovtiń «Qaragóz» qoıylymyn erekshe qabyldady
«Muhtar Áýezovtiń klassıkalyq «Qaragóz» týyndysyna erekshe mahabbat, fantazııa jáne talantpen jumys atqardyq. Osy týyndymen Nemis teatry Qazaqstan mádenıetin álemdik dárejede tanytý mártebesine ıe boldy», - deıdi teatr dırektory Natalıa Dýbs.
Qazaqstandyq shyǵarmashylyq ujym qazaq jáne álem jaýhary bolyp sanalatyn úzdik mýzykalyq shyǵarma - «Qaragózdi» óziniń kórkemdigin saqtap nemis tilinde sahnalady.
Sulý Qaragózdiń Syrym aqynǵa mahabbaty týraly ańyz Natasha Dýbs sııaqty talantty rejısserdiń qoıylymy arqyly jańa tartymdy sıpatqa ıe boldy. Ol nemis tilinde birinshi ret jaryqqa shyqty. Bul týyndynyń kórkemdigi men tereńdigin kúsheıtken Berlın horeografy Florıana Bılbaonyń daıyndaǵan bıi. Al spektaklge án jazǵan Germanııa kompozıtory Iayrope.
Synshylardyń pikiri boıynsha «Qaragózdiń» jańa qoıylymy klassıka janryn súıetin kórermen men jalpy ónerdi baǵalaıtyn jurtshylyqqa erekshe áser etti.
«Bul eki kún men úshin jańalyqqa toly boldy. «Qaragóz» qoıylymy óte qyzyqty boldy, sebebi ol zamanaýı sıpatta sahnalandy. Aldymen akterlerdiń eńbegin ataǵan jón. Olar rejısserdiń bastamasymen úılesim taýyp rólderin úzdik deńgeıde somdaı bildi. Men kórkemdikke joǵary baǵa beremin. Teatrdyń bolashaǵy jarqyn. Qoıylym keremet boldy», dedi frantsýz rejısseri, teatrtanýshy Davıd Chavlıs Assatını.
«Bul úlken jetistik. Atalǵan spektakl Parıjde nemis tilinde sahnalanyp jatyr. Menińshe, uly jazýshymyz shyǵarmanyń nemis tilinde sahnalanyp kórermeniń ystyq yqylysyna bólenedi dep oılamaǵan da shyǵar. Men ónerimizdi tanytýǵa kelgen otandastarymyzdy kórip erekshe qýanyshqa bólendim», - depaq júreginen aqtaryla qýanyshyn bólisti Frantsııadaǵy qazaqtar qaýymdastyǵynyń prezıdenti Berlın Erıshov.
Basty partııalarda teatrdyń jetekshi akterleri: Ásel Abaqaeva, Irka Abdýlmanova, Gúlbaný Áshimova, Danııa Absalıamova, Akylhan Almasov, Bekarys Boranbaev, Ksenııa Mýkshtadt, Álibek Ómirbekuly, Ilıa Rassahatskıı, Svetlana Skobına, Tolǵanaı Talgat, ıÝlııa Teıfel, Dmıtrıı Holtsmann oınady.
Eske salaıyq, Eýropada «Uly Dala teatry» gastroldik týry ótip jatyr. Basty maqsat - «Rýhanı jańǵyrý» baǵdarlamasy aıasynda Germanııa, Frantsııa, Avstrııa, Belgııa jáne Reseı sahnalarynda el mádenıetin tanytý.
