Parıj kelisimin saqtaýǵa Qazaqstan qansha qarajat jumsaıdy
ASTANA. QazAqparat - Mamandardyń esepteýinshe, klımatqa qatysty Parıj kelisiminde kórsetilgen maqsattarǵa qol jetkizý úshin Qazaqstanǵa 155 mıllıard dollar ınvestıtsııa qajet, dep habarlaıdy QazAqparat.
«Bizdiń esebimizge sáıkes, Parıj kelisiminde kórsetilgen maqsattarǵa qol jetkizý úshin Qazaqstanǵa 155 mıllıard dollar qajet. Bul «jasyl ekonomıkaǵa» ótý esebinen sál kóbirek, bul jańartylǵan málimetter», - dedi «Qazaqstannyń jasyl qarjy júıesi» jobasy boıynsha jumys tobynyń jetekshisi Katýllýs Helmer Astanada ótken konferentsııada.
Sonymen birge, ol Eýropalyq qaıta qurý jáne damý bankiniń zertteýlerine sáıkes, Qazaqstanǵa salynǵan ınvestıtsııalardyń tabysty bolatynyn atap ótti. Al ınvestorlardyń 50 paıyzy Qazaqstan ekonomıkasynyń «tábeti» ortashadan bastap joǵaryǵa deıingi aralyqta dep esepteıdi.
K.Helmer Qazaqstannyń turaqty damýy úshin «jasyl» ekonomıkaǵa ótýi qajettigin basa aıtty.
«Munaı arzandady, energetıka naryǵy da qysqaryp keledi, kúrdeli naryq jaǵdaıy oryn aldy. Kómirtek naryǵy - bul maqsattarǵa qol jetkizip, «jasyl» ınvestıtsııalardyń erkin legin jandandyrýdyń basty teti», - dep óz sózin tolyqtyrdy ol.
Eske sala ketsek, 2016 jyldyń qarasha aıynda Qazaqstanda Parıj kelisimi óz kúshine endi. Kelisimge sáıkes, Qazaqstan 2030 jylǵa deıin parnıktik gaz qaldyqtaryn 15%-ǵa deıin qysqartýy tıis.
