Parıj: Brıtanııa Frantsııa vokzaldarynda shekaralyq baqylaýdy jalǵastyrady
ASTANA. QazAqparat - Frantsııanyń syrtqy ister mınıstri Jan-Mark Eıro Frantsııadaǵy brıtandyq shekarashylardyń EO aýmaǵynan shyǵatyn jolaýshylardyń tólqujatyn tekserýdi jalǵastyratynyn qýattady, dep habarlady Bı-bı-sı.
2003 jyly Frantsııanyń Le-Týke-Parı-Plaj qalasynda brıtandyq shekarashylarǵa Birikken Koroldikke baǵyt alǵan jolaýshylardyń tólqujatyn tekserýge ruqsat beretin ekijaqty kelisimge qol qoıylǵan bolatyn. Sol kezden bastap Brıtanııanyń kóshi-qon qyzmeti Frantsııa aýmaǵynda shekaralyq baqylaý júrgizip keledi.
Tólqujattyq baqylaý jónindegi osyndaı kelisim Ulybrıtanııa men Belgııa arasynda da jasalǵan.
Frantsııanyń ekonomıka mınıstri Emmanıýel Makron bıylǵy naýryzda Brıtanııa Eýroodaqtan shyqqan jaǵdaıda Frantsııa bıliginiń brıtandyq shekarashylarǵa Frantsııa aýmaǵynda shekaralyq baqylaý júrgizýge múmkindik beretin kelisim kúshin toqtatýy múmkin ekendigin málimdegen bolatyn.
Kóshi-qon máselesi Brıtanııanyń Eýroodaqtan shyǵýyna qatysty talqylaýdaǵy eń qıyn máselelerdiń biri boldy. London meri Eýroodaqtan keletin ımmıgranttardyń Brıtanııa astanasynyń damýyna qosar úlesi zor ekenin aıtty. London saılaýshylarynyń basym bóligi Birikken Koroldiktiń Eýroodaqtan shyqpaýyn qoldap daýys bergen-di. Resmı derekterge súıensek, Londonda Eýroodaqtan kelgen mıllıonǵa jýyq ımmıgrant bar.
