Parıj bıligi Eıfel munarasyn teraktilerden qorǵaýdyń jolyn tapty
ASTANA. QazAqparat - Parıj bıligi Eıfel munarasyn teraktilerden qorǵaý úshin áınek qabyrǵamen qorshap shyǵýǵa sheshim qabyldady. Bul týraly VVS habarlaıdy.
Parıj meriniń kómekshisi Jan-Fransýa Martenstiń málimdeýinshe, áınekten soǵylatyn qabyrǵalardyń bıiktigi eki jarym metr bolady. Olar jyldyń sońyna deıin munaranyń ońtústik jáne soltústik jaǵynan boı kóteredi.
Monýmenttiń batysy men shyǵysyna buryn ýaqytsha ornatylǵan metall sharbaq alynyp, ornyna bıiktigi 3,24 metr keletin turaqty metall sharbaq soǵylady.
Osy jumystarǵa 35 mıllıon eýro qarajat bólý josparlanyp otyr.
Martenstiń sózine qaraǵanda, Parıjde terrorıstik qaýip áli de joǵary. Eıfel munarasy basty nysanalardyń birine aınalýy múmkin. Al móldir qabyrǵalar munaranyń týrıster arasynda tanymal ǵımarat bolyp qala berýine septigin tıgizedi.
Boljamdarǵa sáıkes, 2018 jyldyń ózinde Parıj sımvolyn tamashalaýǵa jeti mıllıonnan astam týrıst keledi.
