Parıj bıligi Olımpıada aldynda baspanasyz adamdardy kóshirip jatyr
ASTANA. KAZINFORM – Osy aptada, seısenbi jáne sársenbi kúnderi Frantsııa bıligi Parıjdiń soltústigindegi jańa úısizder lagerin evakýatsııalady, dep habarlaıdy Kazinform agenttiginiń menshikti tilshisi.
Frantsýz baspasózi seısenbi, shildeniń 16-sy kúni tańerteń elordanyń soltústiginde, Ýrk kanalynyń mańynda 250-ge jýyq adam turatyn úısizder lageri kóshirildi.
17 shildede taǵy Sen-Denı kanaly boıynda, Steıns kópiri men Korentın Karıý dańǵylyna qaraı baspanasyz adamdardy evakýatsııalaý jumystary júrgizildi.
Jergilikti jýrnalıster bul 26 shildede Parıjde 2024 jylǵy Olımpıada oıyndary bastalar aldynda «áleýmettik tazartý» maqsatynda jasalyp jatqanyn atap ótti. Olar (úısizder) Olımpıada alaýynyń jolynda bolǵandyqtan evakýatsııalanǵan. Osylaısha, Olımpıada alaýy 26 shildede Sen-Denı kanalynyń boıymen ótedi jáne ashylý saltanaty kezinde Port-de-la-Vılletten «Stad de Frans» stadıonyna deıin jetkiziledi.
2023 jyldyń sáýirinen 2024 jyldyń mamyryna deıin 138 baspanasyz adamdar ǵımaraty kóshirildi. Onyń ishinde 12 500-den astamy Il-de-Frans aımaǵynan shyǵarylǵan. Bul 2021-2022 jyldarmen salystyrǵanda 38% ósken.
