Parıj aýrýhanalarynda vırtýaldy tabıǵat kórinisteri qoldanyla bastady
ASTANA. QazAqparat - Parıj aýrýhanalarynyń birinde emdeý ádisi retinde japon baǵy nemese qar basqan taý beınelengen vırtýaldy kórinister qoldanyla bastady, dep jazady «Habar 24».
Dárigerlerdiń aıtýynsha, bul bir jaǵynan gıpnozǵa uqsaıdy. Ol naýqastyń aýyrsynýyn azaıtyp, qorqynyshyn basýǵa kómektesedi. Mysaly, emdelýshi jarasyn tańý nemese shyǵyp ketken súıegin salý sııaqty áreketti esh aýyrsynbaı jasatady.
Al mundaı tájirıbeni alǵash bolyp, amerıkalyq dárigerler qoldanǵan eken.
«Bul emdelýshilerge óte paıdaly. Onyń naýqasqa keri áseri joq. Osydan 10 jyl buryn keı emdeý ortalyqtary gıpnozdy qoldana bastaǵan edi. Qazir ol keńinen taralyp otyr. Sondyqtan jańa emdeý túri de biraz ýaqyt ótken soń kúndelikti qoldanatyn ádiske aınalatyn shyǵar dep oılaımyn», - deıdi Áýlıe Iozef aýrýhanasynyń qabyldaý bólimi dırektory Olıve Ganansııa.
