Parıj áýejaıynda radıkaldyq kózqarastary úshin 59 qyzmetker jumystarynan bosatyldy
ASTANA. QazAqparat - Parıjdegi Rýassı - Sharl-de-Goll áýejaıynyń basshylyǵy radıkaldyq kózqarastaǵy 57 qyzmetkerin jumystarynan bosatty. Bul týraly 27 qarashada, juma kúni Rýassı jáne Le-Býrje áýejaılary qaýipsizdik qyzmetiniń ókili Fılıpp Rıffo málim etti.
«Sonyń ishinde bes adam Parıjde 13 qarashada bolǵan shabýyldan keıin bosatyldy», - dedi Rıffo, sonymen qatar ol radıkaldyq kózqarastarǵa kúdikti qyzmetkerlerdi bosatý munymen tynbaıtynyn aıtty. Jumystan shyǵarý úderisi memlekettik qyzmettermen birlese júrgizilýde.
Rıffonyń aıtýynsha, jyl basynan beri áýejaıdyń jabyq aımaqtaryna ruqsaty bar 86 myń adam tekserýden ótken, onyń 5 myńy - qaýipsizdik qyzmetiniń qyzmetkerleri.
13 qarashada Frantsııada tótenshe jaǵdaı engizilgen sátten beri áýejaılardyń jumys bólmelerinde, sondaı-aq olarǵa qyzmet kórsetetin kásiporyndarda tintý júrgizilgen, onyń barysynda 4 myń qyzmetkerdiń shkaftary tekserilgen. Rıffo olardan esirtki de, qarýlar da tabylmaǵanyn aıtty. Degenmen radıkalyq ıslam baspasóz basylymdarynyń danalary tabylǵan.
Qazirgi kezde Rýassı - Sharl-de-Goll áýejaıynda barlyq jolaýshylardyń jeke basy tekseriledi, buryn bul kórsetkish 15-20 paıyz ǵana bolatyn. Bul jumystar áýejaı arqyly kúnine 130 myńnan 140 myńǵa deıin jolaýshylar ótetinine qaramastan júrgizilýde, dep atap ótti Frantsııanyń shekaralyq polıtsııasynyń dırektory Patrıs Banom. Baqylaý Frantsııa aýmaǵyna radıkaldyq kózqarastarǵa kúdikti adamdardyń keltirmeý maqsatynda jasalyp otyr, dep habarlady Lenta.rý .
13 qarashada keshke frantsýz astanasynda birneshe lańkestik aktsııalar serııasy oryn aldy, olardyń saldarynan 130 adam mert boldy, 350-i zardap shekti.
