Parıj aptap ystyqtan kóz jumǵandar sanymen Eýropadaǵy qalalar reıtınginde kósh bastady

PARIJ. ANADOLY. QazAqparat - Parıj aptap ystyqtan qaıtys bolǵan qarttar ólimi boıynsha Eýropa qalalarynyń reıtınginde kósh bastady. Buǵan The Lancet Planetary Health jarııalaǵan zertteý derekteri dálel, dep habarlaıdy QazAqparat Anadoly aqparat agenttigine silteme jasap.

Zertteý 2000-2009 jyldar aralyǵynda Eýropanyń 30 elindegi 854 qalada júrgizilgen.

Zertteýge sáıkes, Eýropada jyl saıyn sýyqtyń áserinen 203 620 adam, al ystyqtan 20 173 adam kóz jumǵan. Ystyq aýa raıy adamdardyń, ásirese qarttardyń densaýlyǵyna keri áserin tıgizedi.

Óz kezeginde, Dúnıejúzilik densaýlyq saqtaý uıymy (DDSU) 2022 jyly ystyq aýa raıynyń saldarynan Eýropada jalpy alǵanda kem degende 15 myń adam qaıtys bolǵanyn habarlady.