Parıj álemniń zııatkerlik astanasy dep tanyldy
ASTANA. QazAqparat - Parıj ınnovatsııa salasynda top jaryp, álemniń zııatkerlik astanasy dep tanyldy, dep habarlady Euromag.ru.
Qala mundaı dárejege ǵylymı zertteýler men joǵary bilimdi damytýǵa baǵyttalǵan ınvestıtsııa deńgeıin salystyrýdyń arqasynda qol jetkizip otyr. Sonymen qatar Frantsııa astanasynyń ekonomıkalyq deńgeıi ony eýroaımaqtaǵy eń serpindilerdiń qataryna engizdi. Reıtıngke qatysýshylardy baǵalaǵanda sarapshylar áleýmettik salany da nazardan tys qaldyrmaǵan. Ásirese, densaýlyq saqtaý, kólik jáne qaýipsizdikti qamtý máselesine basymdyq berildi. El ishindegi zııatkerlik resýrstardy saqtap qalý talpynystaryna da zor kóńil bólingen.
