Parıj-2024: Jeńil atletıkadan Olımpıadada el namysyn kimder qorǵaıdy

ASTANA. KAZINFORM - Halyqaralyq jeńil atletıka federatsııasy Parıj Olımpıadasyna qatysatyn sportshylardyń tolyq tizimin shyǵardy. 

Álemdik reıtınginiń qorytyndysyna sáıkes, bıylǵy jyldyń basty dodasynda el namysyn 7 atlet qorǵaıdy. Olar:

Janna Mamajanova (marafon)

Nora Djerýto (3000 m kedergilermen)

Nadejda Dýbovıtskaıa (bıiktikke sekirý)

Davıd Efremov (kedergilermen 110m)

Olga Safronova (200m)

Deızı Djepkemeı (3000m kedergilermen, 10km)

Elızaveta Matveeva (bıiktikke sekirý)

Aıta keteıik, qazir Qazaqstan quramasy atalǵan synǵa 80-nen astam joldama ıelendi. Al, jalpy Frantsııa astanasynda alaýy tutanatyn jarysqa álemniń 200-ge jýyq elinen 10 myńnan astam sportshy qatysady. Dúbirli dodada sporttyń 32 túrinen 329 medal jıyntyǵy sarapqa salynady. 

Bul – Parıj Olımpıadasy Qazaqstannyń táýelsiz el retinde qatysqaly otyrǵan segizinshi jazǵy Olımpıadasy bolmaq. Sondaı-aq Eýropa qurlyǵynda úshinshi ret (Afına, London, Parıj) baq synaıdy.

Esterińizge sala keteıik, bıylǵy jyldyń basty dodasy 26 shilde men 11 tamyz aralyǵynda ótedi.