Parıj-2024: Valentına Halzova alǵashqy aıqasynda jeńilip qaldy
PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda bokstan áıelder arasynda Valentına Halzova alǵashqy jekpe-jeginde qarsylasynan jeńilip qaldy.
75 keli salmaqta el namysyn qorǵaǵan otandasymyz alǵashqy aıqasynda Panama eliniń ókili Ateına Bıbechı Bılonmen kim myqtyny anyqtady. Asa tartysty ótken jekpe-jektiń nátıjesinde Valentına tóreshiler sheshimimen jeńilip qaldy.
Aıta keteıik, osyǵan deıin Qamshybek Qońqabaev, Asylanbek Shymbergenov alǵashqy aıqastarynda qarsylastaryna ese jibergen bolatyn. Al, búgin kórermender qataryna 57 keli salmaqta el namysyn qorǵaǵan otandasymyz Mahmud Sabyrhan qosyldy.
Sondaı-aq osyǵan deıin erler arasynda 80 kelide Nurbek Oralbaı, 51 kelide Sáken Bıbosynov, 63,5 kelige deıingi salmaqta Muhammedsabyr Bazarbaıuly shırek fınalǵa shyqqan bolatyn. Sonymen berge áıeler arasynda Nazym Qyzaıbaı alǵashqy jekpe-jegin sátti bastady.
