Parıj-2024: Tennıs, ústel tennısi jáne trıatlonnan el namysyn qorǵaıtyn sportshylar kimder
ASTANA. KAZINFORM — Búgin Frantsııa astanasy Parıj qalasynda ótetin XXXIII jazǵy Olımpıada oıyndarynyń bastalýyna týra 10 kún qaldy.
Osyǵan oraı búgin nazarlaryńyzǵa tennıs, ústel tennısi jáne trıatlonnan el namysyn qorǵaıtyn sportshylarymyzdy qysqasha tanystyra ketkendi jón kórdik.
Olımpıadaǵa baratyn sportshylardyń qysqasha málimetteri
Tennıs
Elena Andreevna Rybakına — 1999 jyly 17 maýsymda Reseı Federatsııasynyń astanasy Máskeý qalasynda dúnıege kelgen.
2018 jyldyń maýsym aıynda Qazaqstan azamattyǵyn aldy.
Wimbledon úlken dýlyǵa básekesiniń chempıony (2022)
Aleksandr Aleksandrovıch Shevchenko — 2000 jyly 29 qarashada Reseı Federatsııasynyń Rostov-na-Doný qalasynda dúnıege kelgen.
2024 jyldyń aqpan aıynan bastap, Qazaqstan atynan óner kórsetedi.
Aleksandr Stanıslavovıch Býblık — 1997 jyly 17 maýsym kúni Reseı Federatsııasynyń Gatchına qalasynda dúnıege kelgen.
2016 jyldan bastap, Qazaqstan atynan óner kórsetedi.
ıÝlııa Antonovna Pýtıntseva — 1995 jyly 7 qańtarda Reseı Federatsııasynyń astanasy Máskeý qalasynda dúnıege kelgen.
2012 jyldan bastap, Qazaqstan atynan óner kórsetedi.
Aleksandr Sergeevıch Nedovesov — 1987 jyly 15 aqpanda Ýkraınanyń Alýshta qalasynda dúnıege kelgen.
2014 jyldan bastap, Qazaqstan atynan óner kórsetedi.
Ústel tennısi
Kırıll Gennadevıch Gerasımenko — 1996 jyly 18 jeltoqsanda Astana qalasynda dúnıege kelgen.
Trıatlon
Ekaterına Evgenevna Shabalına — 1998 jyly 28 mamyrda Reseı Federatsııasynyń Ekaterınbýrg qalasynda dúnıege kelgen.
2021 jyldan bastap, Qazaqstan atynan óner kórsetedi.
Esterińizge sala keteıik, qazirgi tańda tórtjyldyq dodaǵa joldama jeńip alǵan qazaqstandyq sportshylarymyz sońǵy oqý-jattyǵý jıyndaryn ótkizip jatyr. Qazaqstan quramasy Olımpıada oıyndaryna sporttyń 25 túrinen 80 sportshy 92 joldama jeńip aldy. Naqtyraq aıtsaq, boks, dzıýdo, sportttyq gımnastıka, jeńil atletıka, baıdarka men kanoede esý, oqpen atý, semserlesý, grek-rım kúresi, erkin kúres, sadaq atý, stendtik atý, tennıs, veloshosse, júzý, zamanaýı bessaıys, taekvondo, velotrek, batýt gımnastıkasy, badmınton, akademııalyq esý, kórkem gımnastıka, trıatlon, ústel tennısi, quzǵa shyǵý jáne breıkıngten Olımpıada oıyndarynda synǵa túsedi.
Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵynda ótedi. Oıyndarǵa álemniń 205 elinen 10 500 sportshy qatysady dep josparlanǵan. Onda 32 sport túrinen 329 medal jıyntyǵy sarapqa salynady.
Aıta ketsek, keshe semserlesý men dzıýdoshylarymyz týraly jazǵan bolatynbyz.
