Parıj-2024: Sáken Bıbosynov ejelgi qarsylasynan taǵy utyldy
PARIJ. KAZINFORM — Frantsııa astanasy Parıj qalasynda ótip jatqan Olımpıada oıyndarynda bokstan erler arasynda qazaqstandyq Sáken Bıbosynov shırek fınaldaǵy jekpe-jegin ótkizdi.
51 keli salmaqta el namysyn qorǵap jatqan otandasymyz ¼ fınalda basty qarsylastarynyń biri ózbekstandyq Hasanboı Dýsmatovpen qolǵap túıistirdi.
Nátıjesinde Sáken Bıbosynov ejelgi qarsylasy Dýsmatovtan taǵy da utylyp qaldy.
Bıbosynov pen Dýsmatov byltyr Azııa oıyndarynyń ekinshi aınalymynda bokstasyp, Dýsmatov jeńiske jetken edi.
Dýsmatov – Rıo Olımpıadasynyń chempıony, al Bıbosynov – Tokıo Olımpıadasynyń qola júldegeri.
Esterińizge sala keteıik, búgin 80 keli salmaqta Nurbek Oralbaı shırek fınalda ázerbaıjandyq Mýrad Allahberdıevti utyp, qazaq boksshylarynan birinshi bolyp jartylaı fınalǵa shyqty.
Nazym Qyzaıbaı keshe ekinshi jekpe-jeginde qarsylasyn jarys jolynan taıdyryp, shırek fınalǵa shyqsa, Valentına Halzova alǵashqy aıqasynda qarsylasyna jol berdi.
