Parıj-2024: Olımpıadada eń kóp atlet qatysatyn sport túri belgili boldy

ASTANA. KAZINFORM – Frantsııa astanasy Parıj qalasynda ótetin XXXIII jazǵy Olımpıada oıyndarynda eń kóp atlet qatysatyn sport túri belgili boldy. Naqtyraq aıtsaq, Parıj Olımpıadasynda eń kóp sportshy jeńil atletıkadan synǵa tússe, breıkıngten bar-joǵy 32 sportshy baq synaıdy.

Aıta keteıik, qazirgi Qazaqstan quramasy atalǵan synǵa 80-nen astam joldama ıelendi. Al jalpy Frantsııa astanasynda alaýy tutanatyn jarysqa álemniń eki júzge jýyq elinen 10 myńnan astam sportshy sporttyń 32 túrinen 329 medal jıyntyǵy sarapqa salynady. 

Bul – Parıj Olımpıadasy Qazaqstannyń táýelsiz el retinde qatysqaly otyrǵan segizinshi jazǵy Olımpıadasy bolmaq. Sondaı-aq Eýropa qurlyǵynda úshinshi ret (Afına, London, Parıj) baq synaıdy.

Endi qaı sport túrinen naqtyly qansha sportshy baqsynaıtynyn esterińizge sala ketsek.

Jeńil atletıka — 1 810 sportshy
Júzý — 1 370
Velosport — 514
Fýtbol — 504
Akademııalyq esý — 502
Shóptegi hokkeı — 384
Voleıbol — 384
Dzıýdo — 372
Basketbol — 352
Nysana kózdeý — 340
Gandbol — 336
Jelkendi sport — 330
Baıdarka jáne kanoede esý — 318
Gımnastıka — 318
Regbı — 288
Kúres túrleri — 288
Boks — 248
Semserlesý— 212
At sporty — 200
Badmınton — 172
Ústel tennısi — 172
Úlken tennıs — 172
Sadaq atý — 128
Taekvondo — 128
Golf — 120
Aýyr atletıka — 120
Trıatlon — 110
Skeıtbordıng — 88
Qazirgi bessaıys — 72
Jartasqa órmeleý — 68
Serfıng — 48
Breıkıng — 32