Parıj-2024: Olımpıadada el namysyn qorǵaıtyn jeńil atletterimiz ben veloshabandozdarymyz kimder
ASTANA. KAZINFORM — Búgin Frantsııa astanasy Parıj qalasynda ótetin XXXIII jazǵy Olımpıada oıyndarynyń bastalýyna týra 8 kún qaldy.
Osyǵan oraı búgin nazarlaryńyzǵa jeńil atletterimiz ben veloshabandozdarymyzdy qysqasha tanystyra ketkendi jón kórdik.
Olımpıadaǵa baratyn sportshylardyń qysqasha málimetteri:
Jeńil atletıka
Nora Djerýto Tanýı — 1995 jyly 2 qazanda Kenııa elinde dúnıege kelgen.
2022 jyldan beri Qazaqstan atynan óner kórsetip, 3000 metrge kedergimen júgirý saıysynda álem chempıony atandy.
Janna Qanatqyzy Mamajanova — 1994 jyly 26 qańtarda Semeı qalasynda dúnıege kelgen.
Deızı Djepkemeı — 1996 jyly 13 aqpanda Kenııa elinde dúnıege kelgen.
2022 jyldan beri Qazaqstan atynan synǵa túsedi.
Nadejda Vasılevna Dýbovıtskaıa — 1998 jyly 12 naýryzda Semeı qalasynda dúnıege kelgen.
Elızaveta Aleksandrovna Matveeva — 2001 jyly 9 jeltoqsanda Óskemen qalasynda dúnıege kelgen.
Davıd Aleksandrovıch Efremov — 1999 jyly 15 qańtarda Qaraǵandy oblysynda dúnıege kelgen.
Olga Evgenevna Safronova — 1991 jyly 5 qarashada Qaraǵandy qalasynda dúnıege kelgen.
Veloshosse
Alekseı Aleksandrovıch Lýtsenko — 1992 jyly 7 qyrkúıekte SQO-da dúnıege kelgen.
Evgenıı Vasılevıch Fedorov — 2000 jyly 16 aqpanda Jetisý oblysy, Taldyqorǵan qalasynda dúnıege kelgen.
Esterińizge sala keteıik, qazirgi tańda tórtjyldyq dodaǵa joldama jeńip alǵan qazaqstandyq sportshylarymyz sońǵy oqý-jattyǵý jıyndaryn ótkizip jatyr. Qazaqstan quramasy Olımpıada oıyndaryna sporttyń 25 túrinen 92 joldama jeńip aldy.
Naqtyraq aıtsaq, boks, dzıýdo, sportttyq gımnastıka, jeńil atletıka, baıdarka men kanoede esý, oqpen atý, semserlesý, grek-rım kúresi, erkin kúres, sadaq atý, stendtik atý, tennıs, veloshosse, júzý, zamanaýı bessaıys, taekvondo, velotrek, batýt gımnastıkasy, badmınton, akademııalyq esý, kórkem gımnastıka, trıatlon, ústel tennısi, quzǵa shyǵý jáne breıkıngten Olımpıada oıyndarynda synǵa túsedi.
Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵynda ótedi. Oıyndarǵa álemniń 205 elinen 10 500 sportshy qatysady dep josparlanǵan. Onda 32 sport túrinen 329 medal jıyntyǵy sarapqa salynady.
Aıta ketsek, osyǵan deıin semserlesý men dzıýdoshylarymyz jáne tennıs, ústel tennısi sonymen qatar trıatlonnan el namysyn qorǵaıtyn sportshylarymyz týraly, sonymen qatar boksshylarymyz ben gımnastıkadan el namysyn kimder qorǵaıtyny týraly jazǵan bolatynbyz.
