Parıj-2024: Olımpıadada el namysyn qorǵaıtyn balýandar men sadaqshylarymyz kimder
ASTANA. KAZINFORM — Búgin Frantsııa astanasy Parıj qalasynda ótetin XXXIII jazǵy Olımpıada oıyndarynyń bastalýyna týra 7 kún qaldy.
Osyǵan oraı búgin nazarlaryńyzǵa erkin kúres, grek-rım kúresi jáne sadaq atýdan synǵa túsetin sportshylarymyzdy qysqasha tanystyra ketkendi jón kórdik.
Olımpıadaǵa baratyn sportshylardyń qysqasha málimetteri:
Erkin kúres
Azamat Nurbekuly Dáýletbekov — 1994 jyly 15 naýryzda Semeı qalasynda dúnıege kelgen.
Álem chempıonatynyń 2 márte qola júldegeri (2022, 2023)
Álisher Erǵalıuly Erǵalı — 1999 jyly 12 sáýirde Jambyl oblysynda dúnıege kelgen.
ıÝsýp Sýltanmagomatovıch Batyrmýrzaev — 1996 jyly 13 sáýirde Daǵystan jerinde dúnıege kelgen.
2013 jyldan beri Qazaqstan atynan synǵa túsedi.
Meırambek Qartbaı — 1997 jyly 30 qarashada dúnıege kelgen.
Grek-rım kúresi
Nursultan Shyńǵysbekuly Tursynov — 1991 jyly 30 qańtarda Semeı qalasynda dúnıege kelgen.
Aıdos Sultanǵalıuly Sultanǵalı — 1996 jyly 7 aqpanda Qyzylorda qalasynda dúnıege kelgen.
Demeý Nurdáýletuly Jadraev — 1989 jyly 2 qarashada Jetisý oblysy, Alakól aýdany, Úsharal qalasynda dúnıege kelgen.
Álimhan Álisheruly Syzdyqov — 1994 jyly 14 maýsymda dúnıege kelgen.
Sadaq atý
Ilfat Rınatuly Abdýllın — 1998 jyly 9 qańtarda Jetisý oblysy, Eskeldi aýdany, Qarabulaq aýylynda dúnıege kelgen.
Dáýletkeldi Bolatuly Jańbyrbaı — 2004 jyly 2 maýsymda Jetisý oblysy, Eskeldi aýdany, Qarabulaq aýylynda dúnıege kelgen.
Aleksandr Aleksandrovıch Eremenko — 2004 jyly 9 maýsymda Jetisý oblysy, Taldyqorǵan qalasynda dúnıege kelgen.
Esterińizge sala keteıik, qazirgi tańda tórtjyldyq dodaǵa joldama jeńip alǵan qazaqstandyq sportshylarymyz sońǵy oqý-jattyǵý jıyndaryn ótkizip jatyr. Qazaqstan quramasy Olımpıada oıyndaryna sporttyń 25 túrinen 92 joldama jeńip aldy.
Naqtyraq aıtsaq, boks, dzıýdo, sportttyq gımnastıka, jeńil atletıka, baıdarka men kanoede esý, oqpen atý, semserlesý, grek-rım kúresi, erkin kúres, sadaq atý, stendtik atý, tennıs, veloshosse, júzý, zamanaýı bessaıys, taekvondo, velotrek, batýt gımnastıkasy, badmınton, akademııalyq esý, kórkem gımnastıka, trıatlon, ústel tennısi, quzǵa shyǵý jáne breıkıngten Olımpıada oıyndarynda synǵa túsedi.
Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵynda ótedi. Oıyndarǵa álemniń 205 elinen 10 500 sportshy qatysady dep josparlanǵan. Onda 32 sport túrinen 329 medal jıyntyǵy sarapqa salynady.
Keshe, Olımpıadada el namysyn qorǵaıtyn jeńil atletterimiz ben veloshabandozdarymyz týraly jazǵan bolatynbyz.
