16:25, 04 Tamyz 2024 | GMT +6
Parıj-2024: Nurbek Oralbaı fınalǵa joldama aldy
PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda Nurbek Oralbaı jartylaı fınalda qarsylasyn jeńip, fınalǵa shyqty.
80 keli salmaqta el namysyn qorǵap jatqan otandasymyz jartylaı fınalda Domınıkan Respýblıkasynyń bylǵary qolǵap sheberi Krıstıan Haver Pınalespen judyryqtasyp, qarsylasynan basym tústi.
Osylaısha Nurbek Oralbaı fınaldyq kezeńge ótti. Ol – ázirge fınalǵa shyqqan jalǵyz qazaqstandyq boksshy.
Esterińizge sala keteıik, Nurbek shırek fınalda ázerbaıjandyq boksshy Mýrad Allahberdıevti jeńgen edi.
Sondaı-aq otandasymyz osyǵan deıin aýstralııalyq Kallým Petersti jarys jolynan taıdyryp, shırek fınalǵa ótken bolatyn.
