Parıj-2024: Muhammedsabyr Bazarbaıuly alǵashqy kezdesýinde jeńiske jetti
PARIJ. KAZINFORM – Búgin Frantsııa astanasy Parıj qalasynda ótip jatqan Olımpıada oıyndarynda qazaq boksshylary da jekpe-jekti jeńispen bastady.
Naqtyraq aıtsaq, boksshylarymyzdan 63,5 keli salmaqta qazaqstandyq boksshy Muhammedsabyr Bazarbaıuly alǵashqy kezdesýin ótkizip, qarsylasynan basym tústi.
Ol alǵashqy aınalymda ıspanııalyq Oıer Ibarechchemen judyryqtasty. Bul kezdesýdiń qorytyndysy boıynsha otandasymyz tóreshilerdiń bir aýyzdy sheshimimen jeńiske jetti.
Muhammedsabyr Bazarbaıulynyń kelesi jekpe-jegi 29 shildede Taıvan eliniń boksshysy En Chý Laıǵa qarsy bolmaq.
Aıta keteıik, erteń, 28 shildede bokstan Qazaqstan quramasy sapynan erler arasynda 92 keli salmaq dárejesinde Aıbek Oralbaı, 71 keli salmaqta komanda kapıtany Asylanbek Shymbergenov jáne áıelder arasynda 50 keli salmaq dárejesinde Nazym Qyzaıbaı sharshy alańǵa shyǵady.
