Parıj-2024: Mergenderimiz Olımpıada qalashyǵyna ornalasty

ASTANA. KAZINFORM — Nysana kózdeýden Qazaqstannyń ulttyq quramasy Frantsııanyń Shatorý qalasyndaǵy Parıj Olımpıadasynyń qalashyǵyna taban tiredi.

QR Sportty damytý dırektsııasynyń baspasóz qyzmeti málim etkendeı, Almaty qalasynan attanǵan sportshylarymyzdy Frantsııadaǵy Qazaqstan elshiliginiń ókilderi Sharl-de-Goll atyndaǵy Parıj qalasynyń áýejaıynan kútip alǵan. 

Osydan keıin sportshylarymyz qarý-jaraq tekserýinen ótip, ortalyqtan akkredıtatsııasyn aldy. Keıin uıymdastyrýshylar olardy arnaıy avtobýspen jarys ótetin Shatorý qalasyna jetkizdi.

Shatorý – Frantsııa astanasy Parıjdiń ońtústiginde 270 shaqyrym jerde ornalasqan qala. Mundaǵy nysana kózdeý ortalyǵynda 27 shilde men 5 tamyz aralyǵynda nysana kózdeý men stend atýdan 15 júlde jıyntyǵy úlestiriledi. Bıylǵy oıyndar kezinde qatysýshylar sany 360-tan 340-qa (170 erkek, 170 áıel) deıin azaıǵanyn aıta keteıik.

«Bizdiń jarys ótetin Olımpıada qalashyǵy tek mergenderge arnalǵan. Búgin sportshylar men bapkerler ornalasyp, ashana mázirimen tanysyp úlgerdi. Tamaqtaný jaǵynan eshqandaı qıyndyq bola qoımaıdy. Mundaǵy taǵamdar bizdiń mázirmen birdeı. Qalashyqqa keler bolsaq, medıa ortalyq, jarys ótetin jer, ashana, qonaq úı, qarý-jaraq qoımasy bári bir-birine jaqyn. Arasy 5 mınýttyq jer. Munda tek mergender bolady. Bári bir-birin tanıdy. Ózimizdi kezekti Álem Kýbogynda júrgendeı sezine bastadyq. Osy tusta qalashyqtaǵy eriktilerdiń barynsha kómektesip jatqanyn aıta ketkim keledi», - dedi Ulttyq quramadaǵy vıntovka boıynsha aǵa jattyqtyrýshy Anvar ıÝnýsmetov.

Aıta keteıik, ulttyq qurama ókilderi – Islam Satpaev, Arına Altýhova, Aleksandra Le, Konstantın Malınovskıı (vıntovka); Nıkıta Chırıýkın, Irına ıÝnýsmetova (tapansha) keshendegi alǵashqy jattyǵýyn Astana ýaqytymen búgin keshke ótkizedi.