Parıj-2024: Mergenderimiz komandalyq básekede irikteýden óte almady
PARIJ. KAZINFORM — Frantsııa astanasy Parıj qalasynda ótip jatqan Olımpıada oıyndarynda stend atýdan aralas komandalyq básekede qazaqstandyq Edýard Eşenko men Ásem Orynbaı synǵa tústi.
Úsh kezeńniń nátıjesinde qazaqstandyq jup 140 upaı (46-48-46) enshilep, 15 komanda arasynan 12-orynnan kórindi.
Bul saıystyń irikteý kezeńinde birinshi jáne ekinshi oryndy ıelengen Italııa (149 upaı) men AQSh (148 upaı) quramalary ózara bas júldeni sarapqa salady. Al 3-4-oryn alǵan Qytaı (146 upaı) men Úndistan (146 upaı) komandalary qola júlde úshin ózara myqtylardy anyqtaıdy.
Esterińizge sala keteıik, Frantsııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi. Oıyndarǵa álemniń 205 elinen 10 500 sportshy qatysyp jatyr.
Olımpıadashylar 32 sport túrinen 329 medal jıyntyǵyn sarapqa salyp jatyr.
