Parıj-2024: Qazaqstandyq sportshy Olımpıadanyń 49 joldamasyn jeńip aldy

ASTANA. KAZINFORM – Búgin qazaqstandyq sportshy Edýard Eşenko Frantsııa astanasy Parıj qalasynda ótetin XXXIII jazǵy Olımpıada oıyndarynyń joldamasyn jeńip aldy.

Ol joldamaǵa stend atýdan Qatar astanasy Dohada ótip jatqan lıtsenzııalyq týrnırde qol jetkizdi.

Sportty damytý dırektsııasynyń baspasóz qyzmeti atap ótkendeı, bul el qorjynyna túsken 49-shy joldama. 

Edýard Eşenko skıt baǵdarlamasynda jekeleı synda fınalǵa jetip, úzdik úshtikke ilikti.

Edýard altyn jáne kúmis júldeger atanǵan sportshydan tek 1 upaı qalyp ketti (35 upaı).

Bul stend atý sheberleriniń 2-shi joldamasy. Osyǵan deıin trap jattyǵýynda Marııa Dmıtrıenko komandaǵa lıtsenzııa syılaǵan. 

Aıta keteıik, nysana kózdeýde joldama sportshynyń jeke ózine emes, Ulttyq federatsııaǵa beriledi. 

Qazir Qazaqstan qorjynynda jazǵy oıyndardyń 49 joldamasy bar.

Esterińizge sala ketsek, osyǵan deıin el qorjynyna 48 joldama túskenin jazǵan bolatynbyz.

XXXIII jazǵy Olımpıada oıyndary 2024 jyldyń 26 shildesi men 11 tamyz aralyǵynda ótedi.