Parıj-2024: Qazaqstanda Olımpıada oıyndaryn qansha kommentator júrgizedi

ASTANA. KAZINFORM – Frantsııa astanasy Parıj qalasynda ótetin XXXIII jazǵy Olımpıada oıyndaryn Qazaqstanda 26 kommentator júrgizedi. 

Bul týraly QR Sportty damytý dırektsııasynyń baspasóz qyzmeti málim etti.

«Olımpıadany bes telearnadan 26 kommentator júrgizedi. Olardyń arasynda Eseı Jeńisuly, Sergeı Raılıan, Lılıana Áljanova, Ǵalym Súleımenov, Arman Abdrahmanov, Jandos Aıtbaıuly, Ashat Jaqaev, Aıdar Mahmetov, Erbol Qaıyrov sııaqty tájirıbeli mamandar bar», - delingen habarlamada.

Esterińizge sala keteıik, osyǵan deıin Olımpıadany tuńǵysh ret elimizdiń bes birdeı telearnasy kórsetetini týraly, sonymen qatar Parıjden arnaıy 21 jýrnalıst tikeleı habar taratany týraly jazǵan bolatynbyz. 

Aıta keteıik, Qazaqstan quramasy Olımpıada oıyndaryna sporttyń 25 túrinen 92 joldama jeńip aldy.

Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵyna belgilengen. Oıynǵa álemniń 205 elinen 10 500 sportshy qatysady. Onda 32 sport túrinen 329 medal jıyntyǵy sarapqa salynady.