Parıj-2024: Qazaqstan medaldar kestesinde tómendeı tústi

PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda Qazaqstan quramasy jalpy medaldar kestesinde tómendep bara jatyr.

Búgingi jalpy medaldar kestesi boıynsha Qazaqstan quramasy 1 altyn, 2 qola medalmen 25-orynǵa jaıǵasty. Al, jalpy medaldar sany boıynsha Qytaı quramasy kóshbasshylyqty berer emes. Olar altyn medaldar sanyn 13-ge jetkizdi. Odan bólek 9 kúmis, 9 qola júldesi bar. Al ekinshi orynda jarys qojaıyndary Frantsııa kele jatyr. Olardyń enshisinde ázirge 11 altyn, 12 kúmis, 13 qola bar. Al úzdik úshtikti 11 altyn, 6 kúmis, 5 qola júldemen Avstralııa quramasy túıindep tur.

Búgin Parıj Olımpıadasynda 5 memlekettiń qorjynyna alǵashqy júldeleri tústi. Osylaısha medal alǵan elder sany 50-ge jetti.

Esterińizge sala ketsek, Frantsııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi. Oıyndarǵa álemniń 205 elinen 10 500 sportshy qatysyp jatyr. Olımpıadashylar 32 sport túrinen 329 medal jıyntyǵy sarapqa salýda.