Parıj-2024: Qazaqstan quramasyndaǵy eń jas jáne eń egde sportshy kim
ASTANA. KAZINFORM — Frantsııa astanasy Parıj qalasynda ótetin XXXIII jazǵy Olımpıada oıyndarynda el namysyn qorǵaıtyn sportshylardyń eń jasy kishisi 17 jasta bolsa, eń egdesi — 37 jasta.
Eń jas sportshy taekvondoshy — Batyrhan Tóleýǵalı. Onyń jasy nebary — 17 jas. Al eń egde sportshynyń jasy bıyl 37-ge tolyp otyr.
Ol — semserlesý sportynan synǵa túsetin Elmır Álimjanov.
Sonymen qatar nazarlaryńyzǵa ulttyq qurama sportshylary jaıly 10 derek usynamyz.
— Jalpy Qazaqstan qorjynynda 25 sport túrinen 80 sportshyda 92 lıtsenzııa bar. Eń kóp lıtsenzııany boksshylar jeńip alǵan (10 lıtsenzııa).
— Parıj Olımpıadasyna baratyn 54 atlet jazǵy oıyndarǵa alǵash ret qatysqaly otyr.
— Breıkıng pen badmıntonnan Qazaqstan birinshi ret Olımpıada joldamasyn ıelendi. Breıkıngten Ámir Zakırov, badmıntonnan Dmıtrıı Panarın el namysyn qorǵaıdy.
— Semserlesýden Qazaqstan quramasy tarıhta alǵash ret komandalyq jarysta baq synaıdy.
— Bokstan Qazaqstan áıelder quramasy birinshi ret jazǵy oıyndarǵa úsh sportshy aparady.
— Qazaqstan alǵash ret gımnastıkanyń úsh túrinen (batýttaǵy, sporttyq jáne kórkem) jazǵy Olımpıadada synǵa túsedi.
— Eń jas sportshy — 17 jastaǵy Batyrhan Tóleýǵalı (taekvondo).
— Eń egde sportshy — 37 jastaǵy Elmır Álimjanov (semserlesý).
— Qazaqstan quramasynyń sapynda jazǵy oıyndarǵa tórtinshi ret qatysatyn eki sportshy bar.
— Olar — jeńil atlet Olga Safronova men akademııalyq esý sheberi Vladıslav ıAkovlev.
— Eldos Smetov (dzıýdo), Kırıll Gerasımenko (ústel tennısi) jáne Elena Potapenko (qazirgi bessaıys) Olımpıada oıyndaryna úshinshi ret qatysqaly otyr.
Esterińizge sala keteıik, Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵyna belgilengen.
Oıynǵa álemniń 205 elinen 10 500 sportshy qatysady.
Onda 32 sport túrinen 329 medal jıyntyǵy sarapqa salynady.
