Parıj-2024: grek-rım kúresiniń sheberi Nursultan Tursynovtyń qarsylasy anyqtaldy

PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda búgin grek-rım kúresinen 87 keli salmaqta synǵa túsetin balýanymyz Nursultan Tursynovtyń qarsylasy belgili boldy.

Naqtyraq aıtsaq, grek-rım kúresinen Ulttyq qurama sportshysy Nursultan Tursynov Parıj Olımpıadasynyń 1/8 kezeńinde mysyrlyq balýan Mohamed Mustafa Metvallımen kúresedi.

Bul beldesý jeńimpazy Jan Belenıýk (Ýkraına) nemese qytaılyq sportshymen synǵa túsedi.

Mysyrlyq palýan - Afrıka oıyndarynyń qola júldegeri, Afrıka chempıony, Tokıo Olımpıadasynyń qatysýshysy.
Nursultan Tursynov Azııa chempıony jáne 2 dúrkin kúmis júldegeri.

Aıta keteıik, búgin 77 kelide el namysyn qorǵaǵan Demeý Jadyraev Parıj Olımpıadasynyń jartylaı fınalynda Ázirbaıjan ókili Sanan Sýleımanovty aıqyn basymdyqpen jeńip, fınalǵa shyqty.