Parıj-2024: Batýttyq gımnastıka men velotrekten el namysyn kimder qorǵaıdy
ASTANA. KAZINFORM – Búgin Frantsııa astanasy Parıj qalasynda ótetin XXXIII jazǵy Olımpıada oıyndarynyń bastalýyna týra 2 kún qaldy. Osyǵan oraı búgin nazarlaryńyzǵa batýttyq gımnastıka men velotrekten el namysyn qorǵaıtyn sportshylarymyzdy qysqasha tanystara ketkendi jón kórdik.
Olımpıadaǵa baratyn sportshylardyń qysqasha málimetteri:
Batýttyq gımnastıka
Danıl Aleksandrovıch Mýsabaev – 1998 jyly 13 qyrkúıekte Qaraǵandy qalasynda dúnıege kelgen.
Velotrek
Andreı Vıtalevıch Chýgaı – 2000 jyly 17 qańtarda Aqmola oblysynda dúnıege kelgen.
2019 jyly erler arasynda Azııa chempıony (1 000 metr)
Esterińizge sala keteıik, qazirgi tańda tórtjyldyq dodaǵa joldama jeńip alǵan qazaqstandyq sportshylarymyz sońǵy oqý-jattyǵý jıyndaryn ótkizip jatyr. Olardyń alǵashqy legi 18 shilde kúni Parıjge attanyp ketken bolatyn.
Qazaqstan quramasy Olımpıada oıyndaryna sporttyń 25 túrinen 92 joldama jeńip aldy.
Naqtyraq aıtsaq, boks, dzıýdo, sportttyq gımnastıka, jeńil atletıka, baıdarka men kanoede esý, oqpen atý, semserlesý, grek-rım kúresi, erkin kúres, sadaq atý, stendtik atý, tennıs, veloshosse, júzý, zamanaýı bessaıys, taekvondo, velotrek, batýt gımnastıkasy, badmınton, akademııalyq esý, kórkem gımnastıka, trıatlon, ústel tennısi, quzǵa shyǵý jáne breıkıngten Olımpıada oıyndarynda synǵa túsedi.
Frantsııa astanasy Parıj qalasynda XXXIII jazǵy Olımpıada oıyndary 26 shilde men 11 tamyz aralyǵynda ótedi. Oıyndarǵa álemniń 205 elinen 10 500 sportshy qatysady dep josparlanǵan. Onda 32 sport túrinen 329 medal jıyntyǵy sarapqa salynady.
