Parıj-2024: 30 shildede qazaqstandyqtar qandaı nátıje kórsetti

ASTANA. KAZINFORM – 30 shildede Parıj Olımpıadacynda qazaqstandyq jeti sportshy sporttyń bes túrinen — stendtik atý, dzıýdo, boks, sýǵa júzý jáne sadaq atýdan jarys jolyna shyqty.

Stend atýdan áıelder arasyndaǵy irikteý kezeńinde Marııa Dmıtrıenko 73 upaımen tórtinshi oryn aldy.

Al boksshy Nurbek Oralbaı (80 keli) 1/8 aınalymda Kallým Pıtersti (Aýstralııa) jeńdi. Óte tartysty ótken jekpe-jekte tóreshiler 3-2 esebimen jeńisti qazaq boksshysyna berdi.

Ulttyq quramanyń sportshysy Sáken Bıbosynov (51 keli) alǵashqy aınalymda túrik boksshysyn aıqyn basymdyqpen jeńip, shırek fınalǵa joldama aldy.

Al Ádilbek Mýsın 100 metrge erkin ádispen júzýde márege segizinshi bolyp jetti. Ýaqyt kórsetkishi – 49.92 sekýnd.

Dzıýdodan 81 keli salmaqtaǵy Abylaıhan Jubanazar (63 keli), áıelder arasynda (63 keli) salmaqta Esmıgúl Kýıýlova (63 keli) birinshi aınalymda jeńilip qaldy.

Sadaq atýdan komanda kóshbasshysy Ilfat Abdýllın Parıj Olımpıadasynyń jekeleı synynan shyǵyp qaldy.

Olımpıadanyń tórtinshi jarys kúninen keıin Qazaqstan quramasynyń qorjynynda 1 altyn, 2 qola júlde bar, osylaısha medaldar kestesinde 12-shi orynǵa jaıǵasty.