Parıj-2024: 29 shildede qazaqstandyqtar qandaı nátıje kórsetti
ASTANA. KAZINFORM – Parıj Olımpıadasynda 29 shildede qazaqstandyqtar sporttyń birneshe túrinen synǵa tústi. Olardyń arasynan eshkim júldeli oryndarǵa qol jetkize almady.
Pnevmatıkalyq vıntovkamen 10 metrden nysana kózdeýdiń fınalynda Aleksandra Le altynshy orynǵa turaqtap, 165.4 upaı jınady.
Pnevmatıkalyq tapanshamen 10 metrden nysana kózdeýde Qazaqstan quramasy 11-satydan kórindi. Olar irikteýde 575 upaı jınady.
Al semserlesýshi Áıgerim Sarybaı Olımpıadanyń 1/16 kezeńinde frantsııalyq Manon Brıýneden 12:15 esebimen jeńilip qaldy. Qarsylasy Tokıo Olımpıadasynyń kúmis jáne qola júldegeri bolǵan jáne álem chempıony atanǵan tájirıbeli sportshy edi.
Sadaq atýdan komandalyq synda el quramasy 1/8 aınalymda Italııaǵa 4:5 esebimen jol berdi.
Akademııalyq eskek esýde Vladıslav ıAkovlev Parıj Olımpıadasynda E/F1 tobynyń jartylaı fınalynda márege birinshi jetti. Ol jarys jolyn 7 mınýt 26.20 sekýndta baǵyndyrdy.
Dzıýdoshy Danııar Shamshaev (73 keli) alǵashqy beldesýinde Hanchjoýdaǵy jazǵy Azııa oıyndarynyń jeńimpazy, álem chempıonatynyń qola júldegeri ózbekstandyq Mýrodjon ıÝldoshevqa ese jiberdi.
Áıelder arasynda 100 metrge shalqalaı júzýde Ksenııa Ignatova óz tobynda márege ekinshi bolyp jetti. Ýaqyt kórsetkishi – 1:02.51 sekýnd. Alaıda jalpy esepte 26-orynnan kórinip, jartylaı fınalǵa shyǵa almady.
Tennısten erler arasyndaǵy juptyq básekede Aleksandr Býblık pen Aleksandr Nedovesov alǵashqy aınalymda brazılııalyq Tıago Monteıro men Tıago Seıbot Ýaıldten eki sette 4:6, 4:6 esebimen jeńilip qaldy.
Badmıntonshy Dmıtrıı Panarın ekinshi matchta Braıan ıAngten jeńilip, toptyq kezeńnen shyǵa almady. Kanadalyq sportshy 0:2 (18:21, 10:21) esebimen jeńiske jetti.
Ústel tennısinen ulttyq qurama kóshbasshysy Kırıll Gerasımenko Parıj Olımpıadasynyń 1/16 aınalymynda Dan Tsıýdan basym tústi.
Ulttyq quramanyń eń jas sportshysy Muhamedsabyr Bazarbaıuly 1/8 fınalda Hanchjoýdaǵy Jazǵy Azııa oıyndarynyń kúmis júldegeri Chý En Laıdan 3:2 esebimen basym tústi.
Al Qamshybek Qońqabaev ıspan boksshysy Aııýb Gadfa Drıssıden jeńilip, Parıj Olımpıadasynyń shırek fınalyna shyǵa almady.
Olımpıadanyń úshinshi jarys kúninen keıin Qazaqstan quramasynyń qorjynynda 1 altyn, 2 qola júlde bar.
