«Paryz» konkýrsynyń erejesi ózgerdi: Prezıdent Jarlyqqa qol qoıdy
ASTANA. KAZINFORM – Qazaqstanda bıznestiń áleýmettik jaýapkershiligi jónindegi «Paryz» konkýrsynyń erejesi ózgerdi. Endi konkýrs qatysýshylaryna Prezıdenttiń arnaıy syılyqtary taǵaıyndalýy múmkin. Memleket basshysy Qasym-Jomart Toqaev tıisti Jarlyqqa qol qoıdy.
Qujatqa sáıkes, Prezıdenttiń arnaıy syılyqtaryna korporatıvtik áleýmettik jaýapkershilik salasynda joǵary nátıjege qol jetkizgen, qyzmetkerlerine laıyqty eńbek jaǵdaıyn jasap, olardyń ál-aýqatyn arttyrǵan kásipkerler úmitker bola alady.
Konkýrstyń eń joǵary marapaty – Gran-prı. Ol óz qyzmetinde úzdik nátıje kórsetken, korporatıvtik áleýmettik jáne ekologııalyq jaýapkershilik qaǵıdattaryn tabysty iske asyrǵan qatysýshylarǵa beriledi.
Gran-prı eki sanat boıynsha tabystalady:
· Іri kásipkerlik sýbektisi;
· Shaǵyn jáne orta kásipkerlik sýbektisi.
Jarlyq 2026 jylǵy 16 qarashadan bastap qoldanysqa engizildi.
Eske salaıyq, 11 qarashada Memleket basshysy «Qazaqstan Respýblıkasynyń memlekettik nagradalary týraly» zańǵa ózgerister men tolyqtyrýlar engizý týraly zańǵa qol qoıǵan edi.