«Parı Sen-Jermen» klýbtar arasyndaǵy álem chempıonaty 1/2 fınalyna shyqty

ASTANA. KAZINFORM - Frantsııanyń «Parı Sen-Jermen» klýby fýtboldan klýbtar arasyndaǵy álem chempıonaty jartylaı fınalyna joldama aldy.

Frantsııalyq klýb atalǵan kezdesýde senimdi oıyn kórsetti. Nebári toǵyz fýtbolshymen germanııalyq komandaǵa qaýqar kórsetti. Match barysynda olardyń qatarynan Vılıam Pacho 82, Lýkas Ernandes 92-mınýtta qyzyl qaǵazben alańnan qýyldy. 

Soǵan qaramastan qarsylasynan 2:0 esebimen basym túsip, jartylaı fınal joldamasyna qol jetkizdi. Frantsııalyq klýbtan Dezıre Dýe 78, Ýsman Dembele 96-mınýtta gol soqty.

Endi olar 9 shildede jartylaı fınalda «Real Madrıd» (Ispanııa) men «Borýssııa Dortmýnd» jubynyń jeńimpazymen kezdesedi.

Sondaı-aq buǵan deıin Brazılııanyń «Flýmınense» Saýd Arabııasynyń «Al-Hılıal» klýbyn, Anglııanyń «Chelsıi» Brazılııanyń «Palmeırasyn» 2:1 esebimen jeńip, jarysty jalǵastyrýǵa múmkindik aldy. «Flýmınense» men «Chelsı» jartylaı fınalda 8 shildede oınaıdy.

Álem chempıonatynyń júlde qory – 1 mıllıard AQSh dollary. Atalǵan týrnırde chempıon bolǵan komanda 125 mıllıondy ıelenedi. Qalǵan qarajatty qatysýshy 31 klýb alǵan oryndaryna baılanysty bólisedi. Dop dodasynda 32 komanda synǵa túsip jatyr.