«Parı Sen-Jermen» Chempıondar lıgasyn qatarynan ekinshi ret jeńip aldy
ASTANA. KAZINFORM — 2025–2026 jylǵy ÝEFA Chempıondar lıgasynyń fınaly Býdapesht qalasyndaǵy Pýshkash Arena stadıonynda ótti.
Fınalda Frantsııanyń Parı Sen-Jermen klýby Anglııa Premer-lıgasynyń qazirgi chempıony Arsenal komandasyn penaltı serııasynda jeńip, Eýropanyń basty klýbtyq týrnırindegi chempıondyq ataǵyn saqtap qaldy.
Kezdesýdiń negizgi ýaqyty men qosymsha taımdary teń aıaqtaldy. Oıynnyń 6-mınýtynda germanııalyq shabýylshy Kaı Haverts «Arsenaldy» alǵa shyǵardy. Al ekinshi taımnyń ortasynda qazirgi «Altyn dop» ıegeri Ýsman Dembele penaltıden esepti teńestirdi.
Penaltı serııasynda parıjdik klýb mergendik tanytyp, Chempıondar lıgasynyń jeńimpazy atandy.
Osylaısha, Parı Sen-Jermen týrnırdi qatarynan ekinshi maýsymda jeńip shyqty. Buǵan deıin mundaı jetistikke tek Real Madrıd qol jetkizgen bolatyn.
Frantsýz klýbynyń quramynda reseılik Matveı Safonov, ýkraınalyq Ilıa Zabarnyı jáne grýzııalyq Hvıcha Kvaratshelııa da Chempıondar lıgasynyń jeńimpazy atandy.
Qorytyndy esep: «Parı Sen-Jermen» – «Arsenal» 1:1 (penaltı serııasy – 4:3).
Buǵan deıin habarlanǵandaı, Eýropalyq fýtbol qaýymdastyqtarynyń odaǵy (ÝEFA) ofsaıd erejesin ózgertý týraly usynysty qoldamady.
