Parhach kólinde óli balyqtardyń tabylýyna baılanysty tekserý bastaldy
Bul jerge mınıstrlikten qalalyq ekologııa departamenti, «Qazgıdromet» jáne Almaty qalalyq orman sharýashylyǵy jáne janýarlar dúnıesi ınspektsııasy qyzmetkerleri keldi. Kólde sý synamalary alynady, mamandar balyqtardyń jappaı qyrylýynyń sebebin anyqtaıdy.
Ekologııa mınıstrligi kezekti ret azamattardy demalys aımaqtarynda tazalyq jáne tártip saqtaýǵa, ózderiniń sońdarynan qoqysty jınap júrýge shaqyrady. Zańbuzýshylyqtar bolǵan jaǵdaıda kináliler jazalanady. Jaqyn arada azamattardyń qorshaǵan ortaǵa keltirgen zııany úshin jaýapkershilik kúsheıtiledi.
Eske salsaq, almatylyqtar Almatynyń Túrksib aýdanyndaǵy Parhach kóliniń lastanýyna shaǵymdanǵan. Qala turǵyndary jaǵalaýdaǵy qaldyqtar men qoqystardyń, sondaı-aq óli balyqtardyń beınetúsirilimin jasaǵan.
