Parhach kólinde balyqtardyń qyrylýy: Alǵashqy nátıjesi jarııalandy
ALMATY. QazAqparat - Almatynyń Túrksib aýdanyndaǵy Parhach kólinen alynǵan zertteý synamalarynyń alǵashqy nátıjesi jarııalandy, dep habarlaıdy QazAqparat tilshisi.
Aıta ketsek, Parhach kólinen óli balyqtardyń tabylýyna baılanysty tekserý jumystary bastalǵan bolatyn.
Qazgıdromettiń habarlaýynsha, sý sapasyn taldaý 44 fızıka-hımııalyq kórsetkishter boıynsha júrgiziledi. «Birinshi kúngi taldaý nátıjeleri boıynsha sý óte laılanǵan (móldirligi- 9) jáne shirigen balyqtyń ıisi bar ekendigi atap ótildi.
Zerthanalyq taldaý nátıjeleri boıynsha ottegini hımııalyq tutyný
boıynsha shekti normanyń 11 ese artýy tirkeldi – 380 mg/dm3. Bul toǵannyń
organıkalyq zattarmen lastanýyn kórsetedi.Qazirgi ýaqytta negizgi ıondar, aýyr metaldar jáne 5 táýlikte ottegini bıohımııalyq tutyný boıynsha sýdy taldaý jalǵasýda, olardyń nátıjeleri qosymsha jarııalanady», - delingen habarlamada.
Foto: RGP «Kazgıdromet»