Parajúzýden álem kýbogy: Qazaqstan qorjynynda - 18 medal

NUR-SULTAN. QazAqparat – Elimizdiń parasportshylary júzýden álem kýbogyna qatysyp, qorjyn júldege tolyp qaıtty, dep habarlaıdy QazAqparat QR Ulttyq paralımpıada komıtetine silteme jasap.

Habarlamada aıtylǵandaı, Italııanyń Lınıano-Sabbıadoro qalasynda parajúzýden álem kýbogy ótken.

Aıtýly dodaǵa 38 elden, 300-den astam parasportshy qatysty.

Elimizdiń namysyn 9 parasportshy qorǵap, nátıjesinde 18 medal qorjynda.

«Qazaqstandyq parajúzýshiler bul jarys jyldyń alǵashqy syny. Qazir bizdiń sportshylar álem chempıontyna ( 2022 jyl, maýsym, Portýgalııa) jáne Azııa oıyndary (2022 jyl, qazan, Qytaı) qatysý úshin normatıvterdi oryndap júr. Aldaǵy ýaqytta iri jarystarǵa qatysý úshin sportshylarymyz belsendi túrde jarystarǵa qatysyp, biliktilikti arttyrýǵa kúsh salyp jatyr», - dedi elimizdiń parajúzý komandasynyń jetekshisi Tatıana Bogoslovskaıa.