Parataekvondodan álem chempıonatynda Qazaqstan namysyn 5 sportshy qorǵaıdy
ASTANA. QazAqparat - Búgin Túrkııanyń Samsýn qalasynda parataekvondodan álem chempıonaty ótedi, dep habarlady «Qazaqstan taekvondo (WTF) federatsııasy" QB baspasóz qyzmetinen.
Qazaqstan ulttyq quramasy Túrkııa eline bas jattyqtyrýshy Talǵat Nurbaevtyń jetekshiligimen attandy. El namysyn 5 sańlaq qorǵaıdy. Olardyń arasynda álem chempıony, úzdik parataekvondoshylarynyń biri, qandasymyz Ómiráli Nyshan bar.
Aıta keteıik, baıraqty báseke 1 kúnge sozylady. ıAǵnı, búgin keshke álem úzdikteriniń esimderi belgili bolmaq. Parataekvondo tarıhynda tuńǵysh ret birinshilikke G8 dárejesi berilip otyr. Onyń ústine bıyl bul sport túri 2020 jyly Tokıo qalasynda ótetin Paralımpıada oıyndarynyń baǵdarlamasyna engizildi. Parataekvondodan álem chempıonaty 2009 jyldan bastap ótkizilip keledi. Jyl saıyn jarys bedeli men qatysýshylar sany artýda. Aldyn ala boljam boıynsha qazirdiń ózinde 50-den astam elden kelgen qatysýshylar sany 200-den asqan.
