Parataekvondo: Qazaqstandyqtar álemdik gran-prı serııasynan 3 medal ıelendi

ASTANA. QazAqparat - Qazaqstandyqtar Mancheserde parataekvondodan álemdik Gran-prı serııasynan bir «kúmis» jáne bir «qola» júlde aldy, dep habarlaıdy QazAqparat Múmkindigi shekteýli adamdarǵa arnalǵan sporttyq daıarlaý ortalyǵyna silteme jasap.

Jarysta Nurlan Dombaev (80 kelige deıin) jáne Nyshan Ómiráli (+80 keli) kúmis medal, al Kamılıa Dosmalova 57 kelige deıingi sanatta qola medal jeńip aldy. Júldegerler K-44 synybynda óner kórsetti.

«Manchesterde (Ulybrıtanııa) parataekvondodan álemdik Gran-Prı serııasynyń úshinshi kezeńi aıaqtaldy, oǵan 27 elden 82 sportshy qatysty. Gran-prı serııasyndaǵy jarystarǵa álemniń eń úzdik sportshylary ǵana qatysa alady. Bizdiń para taekvondoshylar Nurlan Dombaev, Kamılıa Dosmalova jáne Nyshan Ómiráli ózderiniń salmaq dárejeleri boıynsha úzdik sportshylardyń qataryna kiredi», - dep atap ótti Múmkindigi shekteýli adamdarǵa arnalǵan sporttyq daıarlaý ortalyǵy komandasynyń basshysy Mereı Bıgarın.

Foto: csp-parasport.kz