Parasportshy Davıd Degtıarev paýerlıftıngten álem chempıony atandy

NUR-SULTAN. QazAqparat - Tokıo-2020 Paralımpıada oıyndarynyń jeńimpazy Davıd Degtıarev parapaýerlıftıngten erler arasynda 54 kelige deıingi salmaqta synǵa túsip álem chempıony atandy, dep habarlaıdy QazAqparat.

Qazaqstandyq sportshy 178 kg salmaqty kóterip birinshi orynǵa ıe bolsa, ekinshi oryndy Qytaı sportshysy ıAn Djılan ıemdendi.

Al Mysyr elinen kelgen sportshy Abdelmajıd Taha úshinshi orynǵa ıe boldy.

«Jalpy óz nátıjeme rızamyn. Tokıo-2020 oıyndarynan keıin dem alyp, kúsh jınap, chempıonatqa qyzý jattyǵý jumystaryn ótkizdik. Sonyn arqasynda jaqsy jetistikke jettim dep oılaımyn. Jarys barysynda birinshi raýndta 175 kg kóterdim, ekinshi raýndta 178 keli salmaqty baǵyndyrdy, al 3-shi raýndta kótergen 186 kg salmaǵym tehnıkalyq sebeptermen eseptelmedi. Maǵan qoldaý kórsetip, senim artqan jattyqtyrýshyma, otbasyma, dostaryma, QR Ulttyq Paralımpıada komıtetine jáne barlyq qazaqstandyqtarǵa alǵys aıtamyn», - dedi chempıon jarystan soń.

Esterińizge sala keteıik, para paýerlıftıngten álem chempıonaty Tbılısı qalasynda 27 qarasha – 6 jeltoqsan aralyǵynda ótedi.

Oǵan álemniń 68 memleketinen 400-den astam sportshy qatysady.

Chempıonatqa Qazaqstan tarapynan 26 paralımpıadashy attandy, onyń altaýy jastar arasynda ótip jatqan álem chempıonatyna qatysady.