Parashıýttik kópsaıys boıynsha áskerı birinshilik ótýde
ASTANA. QazAqparat - Qazaqstannyń Qarýly Kúshterinde jeke komandalyq birinshilikte parashıýttik kópsaıys boıynsha chempıonat ótti, dep habarlaıdy QazAqparat tilshisi.
Bul týraly Qorǵanys mınıstrliginiń baspasóz qyzmeti habarlady.
Klassıkalyq parashıýt sportynyń eń kásipqoı ókilderi, áskerı qyzmetshiler men sportshylar jeke komandalyq birinshilikte parashıýttik kópsaıys boıynsha úzdik degen ataqqa talasty. Saıysqa 8 komanda qatysýda. Olardyń ishinde, Taldyqorǵan, Qapshaǵaı jáne Almaty qalalaryndaǵy Desanttyq-shabýyldaý áskerleriniń áskerı qyzmetshileri, izdestirý-qutqarý, parashıýttik-desanttyq qyzmet jáne Parashıýttik daıarlyq ortalyǵynyń qurama komandasy bar.
Saıys sharttaryna sáıkes qatysýshylarǵa birqatar jattyǵýlardy, onyń ishinde, 900-1200 metr bıiktikten jeke jáne komandalyq eseppen jerge qoný dáldigi, 100 metr qashyqtyqqa erkin stılde júzý (tolyq áskerı jaraqtandyrýda) jáne 3 myń metr qashyqtyqqa jeńil atletıkalyq kross boıynsha birqatar jattyǵýlardy oryndaý qajet.
Áskerı qyzmetshiler úshin parashıýtpen sekirýdi júıeli túrde oryndaýmen baılanysty qyzmet túri atalmysh chempıonat bul óziniń biliktiligin rastaý men arttyrýǵa múmkindik. Al sportshylar úshin sporttyq ataq pen razrıad berý úshin biliktilik normatıvterdi oryndaý ekenin aıta ketkenin jón.
Parashıýttik sport boıynsha Qazaqstan Respýblıkasy ulttyq quramasynyń quramy qoıylǵan tapsyrmalardy sátti oryndap júrgen sportshylardan quralǵan. Halyqaralyq arenada bizdiń komanda iri saıystarda búkil Orta-Azııalyq óńirdiń namysyn qorǵap, abyroı-bedelge ıe bolyp júr.
