Parashańǵyshy Erbol Hamıtov álem chempıonatynan úshinshi medalin jeńip aldy

ASTANA. QazAqparat - Erbol Hamıtov álem chempıonatynda parabıatlonnan 12,5 qashyqtyqty 41:37,9 ýaqytta baǵyndyryp, qola júldege ıe boldy, dep habarlaıdy QazAqparat.

Jarysta AQSh sportshysy Aron Paık 41:26,8 ýaqytta márege birinshi bolyp jetse, nemis sportshysy Skot Mınah 41:32,9 ýaqytymen ekinshi oryndy enshiledi.

Buǵan deıin Erbol Hamıtov álem chempıonatynda parabıatlonnan 7,5 qashyqtyqta qola júldege, al sprınt jarysynda altyn medalǵa qol jetkizgen bolatyn.

Aıta ketsek, parashańǵy jáne parabıatlonnan álem chempıonaty Shvetsııanyń Estersýnd qalasynda 21-29 kańtar aralyǵynda ótýde.

Jarysta 18 memleketten 102 sportshy óner kórsetip jatyr.

Foto: RMQK «Dene múmkindikteri shekteýli tulǵalarǵa arnalǵan sporttyq daıarlaý otralyǵy» baspasóz qyzmeti