Parany mal túrinde alǵan ákim men onyń eki orynbasary sottaldy
«Aqmola oblysynyń sybaılas jemqorlyqqa qarsy qyzmeti Zerendi aýdanynyń ákimi M. Mustafınǵa, sondaı-aq onyń orynbasarlary Q. Jaqypov pen E. Muqashevqa qatysty sotqa deıingi tergeýdi aıaqtady. Atalǵan adamdar jeke kompanııalardyń dırektorlarynan jer telimin jalǵa alý merzimin uzartý jáne olarǵa tıesili emes telimde dándi daqyldardyń egilýine kóz juma qaraǵany úshin 3 mln teńge somasynda - jalpy quny 1,5 mln teńgeni quraıtyn 2 jylqy jáne 3 múıizdi iri qara mal túrinde para alǵan», - delingen habarlamada.
19 maýsymda Zerendi aýdandyq sotynyń úkimimen M.Mustafın 3 jyl, Muqashev 1 jyl 6 aı merzimge bas bostandyǵynan aıyrý jazasyn aldy. Al Jaqypov 4 mln teńge kólemindegi aıyppul tóleıtin boldy. Sottalǵandar ómir boıy memlekettik qyzmette jáne jergilikti ózin-ózi basqarý organdarynda qyzmet atqarý quqyǵynan aıyryldy.