Paramen ustalǵan Sátbaev ákiminiń isi sotqa jetti
SÁTBAEV. KAZINFORM — Aqpan aıynyń ortasynda para aldy degen kúdikpen ustalǵan Sátbaev qalasynyń ákimi Shapaǵat Áýbákirovke qatysty is qalalyq sotqa berildi. Alǵashqy sot otyrysynyń kúni belgilendi.
Shapaǵat Momynbaıuly Áýbákirovke qatysty qylmystyq is Sátbaev qalalyq sotyna 1 naýryzda túsken.
Birinshi sot otyrysy 11 naýryzǵa belgilengen.
Sátbaev qalasynyń ákimi Shapaǵat Áýbákirge QR QK-niń 366-aby 2 -bóligi boıynsha aıyp taǵylyp otyr.
Bul kúni sot otyrysynda sonymen qatar qala basshysyna para bergen adamǵa da qatysty is qarastyrylady.
QR QK 36-baby 2-bóligi boıynsha sot aldynda Dosbol Meıirbek jaýap beredi.
Eske salsaq, 14 aqpanda Sybaılas jemqorlyqqa qarsy Agenttigi Sátbaev qalasynyń ákimi Shapaǵat Áýbákir 10 mln teńge kóleminde para alǵany úshin ustalǵanyn habarlaǵan bolatyn.
