Paramen ustalǵan Mýsın granttardy bólýge aralasqan joq - Óteshev
Ortalyq basshysy Nurlan Óteshevtiń aıtýynsha, paramen ustalǵan sheneýnik áleýmettik granttardy taratý jumysyna aralasqan joq, dep habarlaıdy QazAqparat tilshisi.
«Mýsın myrza memlekettik satyp alýlar salasynda lobbı jasaǵany úshin ustalǵan. Alaıda memlekettik satyp alýlar men memlekettik granttar - bul eki bólek sala. Degenmen, Mýsın bizdiń dırektorlar keńesiniń tóraǵasy bolyp tabylady. Sebebi ortalyqtyń jalǵyz aktsıoneri - azamattyq qoǵam isteri jónindegi komıtet. Alaıda dırektorlar keńesi memlekettik granttardy taratý jumysyna aralasqan joq. Ol úshin arnaıy sarapshylar komıssııasy bar. Atalǵan eki qurylymnyń maqsat-mindetteri uıymnyń jarǵysynda da jazylǵan. Dırektorlar keńesi strategııalyq sheshimderdi qabyldasa, granttardy taratý jumysyna sarapshylar komıssııasy jaýap beredi. Sondyqtan Mýsın myrza qandaı da bir sheshimge tikeleı áser ete almady», - dedi Óteshev búgin Astanada ótken baspasóz máslıhatynda.
Onyń aıtýynsha, osy joly Azamattyq bastamalardy qoldaý ortalyǵy 42 jobany iriktep aldy. Osyǵan oraı, memlekettik granttar áleýmettik mańyzy bar bastamalarǵa bólinetin boldy. Onyń ishinde kámelettik jasqa tolmaǵandardyń quqyǵyn qorǵaý, ózekti taqyryptar boıynsha konferentsııalar uıymdastyrý jáne taǵy basqa qoǵamdyq jobalar bar.
Aıta keteıik, búgin QR Din isteri jáne azamattyq qoǵam mınıstrliginiń Azamattyq qoǵam isteri jónindegi komıtet tóraǵasynyń orynbasary Baýyrjan Mýsın 400 myń teńge para alý barysynda ustaldy. Paranyń jalpy somasy 1,4 mln. teńgeni qurap otyr.
