Paramen ustalǵan Mal sharýashylyǵy departamentiniń basshysy Maqsut Baqtybaevtyń isi sotqa joldandy - Qarjy polıtsııasy
ASTANA. QazAqparat - Paramen ustalǵan QR Aýyl sharýashylyǵy mınıstrligi Mal sharýashylyǵy departamentiniń basshysy Maqsut Baqtybaevtyń isi sotqa joldandy. Bul týraly búgin Astana qalalyq Qarjy polıtsııasy departamentiniń bólim basshysy Oljas Súleımenov málim etti.
Qarjy polıtsııasynyń habarlaýynsha, osy vedomstvonyń Mal sharýashylyǵy departamentiniń dırektory Maqsut Baqtybaev et ónimdiligi baǵytyndaǵy iri qara maldy ındekstik baǵalaýdy daıyndaý boıynsha memlekettik satyp alýdyń kelisimshartyna qol qoıýǵa kómekteskeni úshin kásipkerden 720 myń teńge kóleminde para alǵan.
Oǵan qosa Baqtybaev "Іsker qala" jaýapkershiligi shekteýli seriktestigin "7 kontınent" turǵyn úı kesheninde jalpy somasy 12 mln. teńgege ofıstik jaıdy jalǵa alýdyń jalǵan kelisimshartyn jasasýǵa májbúrlegen dep aıyptalýda.
Aıta keteıik, shyn máninde aqshalaı qarajat osy turǵyn úı keshenindegi "Mal sharýashylyǵy jáne veterınarııanyń ǵylymı-ınnovatsııalyq ortalyǵy" jaýapkershiligi shekteýli seriktestigi jalǵa alyp otyrǵan ofıstik jaılardyń tólemine baǵyttalýy tıis bolatyn.
