Paralımpıadashylar ulttyq rekordtar ornatty
ASTANA. 30 shilde. QazAqparat - Búgin Astanaǵa Frantsııada jeńil atletıkadan ótken Álem chempıonatynan paralımpıadashylar oralady, dep jazady astana.kz saıty.
QR Ulttyq paralımpıadalyq komıtettiń baspasóz qyzmetiniń habarlaýynsha, Qazaqstan tarıhynda alǵash ret paralımpıadalyq sport túrlerinen jeńil atletter 8 lıtsenzııa alyp, jarys qorytyndysy boıynsha úzdik segizdikke endi.
Ulttyq paralımpıada komıtetiniń sport boıynsha vıtse-prezıdenti Galına Vanınanyń aıtýynsha, normatıvter Londonda ótken paralımpıadalyq oıyndardaǵydan da qatań boldy. «Biraq bizdiń sportshylar Qazaqstannyń namysyn qorǵaı aldy. Árıne, biz endi ǵana aıaǵymyzǵa nyq turyp kelemiz. Bul «Samuryq-Qazyna» ulttyq ál-aýqat qorynyń eki jyldyq qoldaýynyń arqasynda múmkin bolyp otyr. Tórt sportshy úzdik segizdikke enip, ulttyq rekord ornatty. Olar ózge elderdiń sportshylaryna ese jibergen joq. Biz budan artyq shyńdardy baǵyndyratyn bolamyz», - dedi Galına Vanına baspasóz brıfınginde.
«Búginde, basty úmit jastarǵa artylyp otyr. Olardan elimizdiń namysyn qorǵap, sportpen shuǵyldanýǵa qoryqpaýǵa, oblys ortalyqtarynda, aýyldarda sektsııalarǵa barýǵa shaqyramyz. 2015 jyly ótetin kelesi oıyndarda tabandy kúresetin bolamyz», - dedi ol.
Qazaqstandyq paralımpıada sportshylarynyń qorjynynda:
ıAdro laqtyrýdan 5-oryn - Mansurbaev Ravıl;
Uzyndyqqa sekirýden 7-oryn - Taıjanova Aınur;
Uzyndyqqa sekirýden 8-oryn - Qalkaev Amanat;
Naıza laqtyrýdan 8-oryn - Narybekov Dáýrenbaı.
