Paralımpıadashy Zúlfııa Ǵabıdýllınany tonap ketti
ASTANA. QazAqparat - Jambyldyq polıtseıler «Rıo2016» XV jazǵy paralımpıadalyq oıyndardyń chempıony, júzýden Qazaqstan Respýblıkasynyń halyqaralyq sanattaǵy sport sheberi, 12 márte álem rekordyn ornatqan Zúlfııa Ǵabıdýllınany tonap ketken kúdiktini qamaýǵa aldy, dep jazady ec-sport.kz.
2017 jyldyń 29 sáýirinde Zúlfııa Ǵabıdýllına Taraz qalasynyń ІІD-ne belgisiz bireýler páterine kirip, baǵaly zattary men aqshasyn urlap ketkendigi týraly ótinish bergen. Urlyqtan kelgen materıaldyq shyǵyn 1 mln 350 myń teńgege baǵalanǵan. Bul fakt sotqa deıingi tergeýdiń biryńǵaı tizilimine qomaqty kólemde urlyq jasaý boıynsha tirkeýge alynǵan.
«Urlyqshylar qyzym ekeýmiz úıde bolmaǵandy paıdalanyp, tereze arqyly kirgen. Olar olımpıada medalyn izdegen bolýy kerek, alaıda ony tappaǵan. Úıdiń astan-kesteńin shyǵaryp, qolǵa túsken baǵaly zattardyń barlyǵyn alǵan.Itimizge obal boldy, ony elektroshokermen únin óshirgen sııaqty. It biraz ýaqytqa deıin adamdardan qorqyp júrdi», - deıdi sportshy Zúlfııa Ǵabıdýllına.
Jambyl oblysy ІІD baspasóz qyzmetiniń málimitterine qaraǵanda, jambyldyq polıtseıler atalǵan urlyq jasaý isi boıynsha A esimdi kúdiktini qolǵa túsirip, sotqa jibergen.
