Paralımpıadashy sheteldegi jarystan keıin iz-túzsiz joǵalǵan
ASTANA. QazAqparat - «Paralımpıadashy, shyǵys jekpe-jeginiń sheberi sáýir aıynda shetelge jarysqa ketkennen keıin óziniń qamqorshysy ekeýi baılanysqa shyǵýdy toqtatqan», - dep habarlaıdy Almaty oblysy ІІD baspasóz qyzmeti.
Jigittiń resmı qamqorshysy bolyp keletin týystarynyń biri polıtsııaǵa onyń joǵalǵandyǵy jaıly júgingen.
«Sportshy aǵymdaǵy jyldyń sáýir aıynda jarysqa ketip, iz-tússiz joǵalǵan. Іzdeý barysynda shetelde uıymdastyrylǵan saıysqa djıý-djıtsý boıynsha qatysqany, odan soń Almatyǵa oralyp, jaldamaly páterde turǵany anyqtaldy» - dep málim etti ІІD.
Joǵalǵan sportshy-múgedek tabylǵan jáne Almaty oblysynda týystaryna tabystaldy. «Qazir iz-tússiz joǵalǵan dep eseptelgen azamat óziniń qamqorshysymen kezdesti», - dep tolyqtyrdy polıtsııadaǵylar.
Almaty oblysy ІІD baspasóz qyzmetiniń aqparatyna sáıkes, búgingi tańda aımaqta iz-tússiz joǵalǵandardyń ornalasqan jerin anyqtaý jáne izdeý jarııalanǵan qylmyskerlerdi ustaý boıynsha áreketter kúsheıtilgen.
Aıta keetken jón, izdeý sharalary barysynda iz-tússiz joǵalǵan 7 adam tabyldy. Sondaı-aq, qylmys jasady degen kúdikpen izdeýde júrgen 12 adam ustalǵan jáne polıtsııaǵa jetkizilgen. «Olardyń biri ótken jyldyń shilde aıynan bastap izdeý salynǵan 33 jasar Qarasaı aýdanynyń turǵyny. Odan basqa, Almaty tergeý oqshaýlaǵyshynda oblystyq polıtsııanyń izdeýinde júrgen, aımaqta iri alaıaqtyq jasaǵan 45 jastaǵy áıel tabyldy» - dep habarlady ІІD baspasóz qyzmeti.
