Paralımpıadashy Erjan Sálimgereev Berlındegi Álem kýbogy básekesinde top jardy
ATYRAÝ. QazAqparat - Para júzýden álemniń eń myqty sportshylary kezekti ret Germanııada baq talastyrdy, dep habarlaıdy QazAqparat tilshisi.
Oblystyq dene shynyqtyrý jáne sport basqarmasynyń baspasóz hatshysy Іlııas Shaıhıevtiń aıtýynsha, 50-den astam elden 550 sportshy 32-shi dástúrli Berlındegi álem kýbogynda ózara myqtyny anyqtaýda.
Jarystyń alǵashqy kúni ulttyq qurama sapynda buǵan deıin de álemdik jarystardyń jeńimpazy atanyp júrgen atyraýlyq paralımpıadashy Erjan Sálimgereev 100 metrde batterflıaı ádisimen júzýde 1:21,61 nátıjesimen qarsylas shaq keltirmeı chempıon atandy.
Taǵy bir sportshymyz, Qazaqstan Respýblıkasynyń júzýden halyqaralyq dárejedegi sport sheberi, QR Ulttyq qurama komandasynyń múshesi Dmıtrıı Lı 200 metrde erkin ádispen júzýde kúmis júldege ıe boldy.
Aıta ketý kerek, Erjan men Dmıtrıı mamyr aıynda ótken Qazaqstan chempıonatynda úsh birdeı qashyqtyqta jeńiske jetken bolatyn.
Búgingi nátıjesi arqyly jerlesimiz jazǵy Azııa oıyndaryna joldama utyp aldy.
