Paralımpıadashy Aleksandr Kolıadın dopıng úshin dıskvalıfıkatsııalandy
NUR-SULTAN. QazAqparat – Shańǵy sportynan paralımpıadashy Aleksandr Kolıadın antıdopıng erejelerin buzǵany úshin jarystardan shettetildi, dep habarlaıdy QazAqparat Sport.kz saıtyna silteme jasap.
Qazaqstannyń Dopıngige qarsy ulttyq ortalyǵynyń málimetine sáıkes, Kolıadınnen 2020 jyldyń 9 jeltoqsanynda alynǵan synamadan tyıym salynǵan preparat – meldonıı tabyldy. Osy sebepti qazaqstandyq sportshy jarystardan úsh jylǵa – 2021 jyldyń 13 qańtarynan 2024 jyldyń 3 qańtaryna deıin shettetilip otyr.
Aıta keteıik, Aleksandr Kolıadın 2018 jyly Phenchhanda ótken Paralımpıada oıyndarynda chempıon bolǵan jalǵyz qazaqstandyq sportshy. Ol 1,5 shaqyrymǵa klassıkalyq úlgidegi sprıntte «altyn» aldy.
