Paralımpıadalyq oıyndarda altyn alǵan sportshyǵa 50 myń dollar beriledi - T.Ermegııaev
ASTANA. 20 tamyz. QazAqparat - Londonda ótetin XIV Paralımpıadalyq oıyndarda altynnan alqa taqqan sportshylarǵa 50 myń dollardan beriledi.
Bul týraly búgin Astanada ótken baspasóz máslıhatynda jýrnalısterge suhbat bergen QR Sport jáne deneshynyqtyrý agenttiginiń tóraǵasy Talǵat Ermegııaev málim etti.
«Ekinshi orynǵa - 30 myń jáne úshinshi orynǵa 15 myń dollar belgilenip otyr», - dep atap kórsetti T.Ermegııaev. Al jýrnalısterdiń «bul joly qandaı boljam jasaı alasyz?» degen suraǵyna agenttik tóraǵasy: «Endi, London Olımpıadasy qarsańynda biz sondaı boljam jasaǵan edik. Biraq bul jaǵdaıda naqty birdeńe aıtý qıyn. Sondyqtan men ázirshe eshteńe aıtpaı-aq qoıaıyn. Bizdiń sportshylarymyzǵa tek sáttilik tileımin!», - dep jaýap berdi.
Esterińizge sala keteıik, Londonda 29 tamyz jáne 9 qyrkúıek kúnderi ótetin XIV Paralımpıadalyq oıyndarǵa 165 elden 4 200 sportshy qatysady. Bul dodada Qazaqstan namysyn Ánýar Ahmetov (júzý), Islam Sálimov (jeńil atletıka), Aınur Baıdildaeva (jeńil atletıka), Sergeı Harlamov (jeńil atletıka), Zúlfııa Ǵabıdýllına (júzý), Aıbek Ábjan (paýerlıftıng), Qabıra Asqarova (paýerlıftıng) qorǵaıdy.
